點樣落單同付款？

可以直接喺網站將產品加入購物車結帳，接受 Visa、Mastercard、Amex、UnionPay 信用卡、PayPal、Shop Pay 同 Google Pay（港幣結算）。亦可以經 Instagram DM 或 WhatsApp 人手落單。

運費點計？

香港劃一 $30；訂單小計滿 $600 免運費。海外運費：台灣 $50；新加坡、馬來西亞 $110（每張訂單計）。詳情見運送政策頁。

海外訂單點寄？

網站訂單現可寄送台灣、新加坡同馬來西亞，一律以順豐寄出，訂單確認後 3 日內出貨，附送收納盒。台灣客人請配合 EZ WAY 易利委 App 做實名認證，方便清關；如當地海關徵收稅項，會由收件人承擔。客製化服務現時只限香港客人，海外客人可直接喺網站購買現貨款式。

落單後幾時出貨？

現貨訂單會於確認後 3 日內以順豐寄出。客製化訂單製作需時約 3 天，完成後再安排交收。

可以退換嗎？

所有產品一律不接受退換貨。如收到的產品有明顯損壞，或寄出的款式有誤，請於收貨後 7 天內聯絡我們跟進。詳情見換貨政策頁。

365 天免費換線保養係點用？

每件產品由購買日起計 365 天內，可享免費換線保養。做法見售後換線服務頁，或直接經 WhatsApp 聯絡我們安排。

點樣訂製專屬款式？

客製化服務現時只限香港客人：可經 Instagram DM 或 WhatsApp 查詢，你可以更改水晶、長度同配件（暫不設刻字），製作約 3 天，交收可選順豐或面交。詳情見訂製款式頁。

附送的手機鐵片點用？

每件產品附送 0.4mm 手機鐵片一塊，放入手機殼底部，再扣上手機鏈即可使用。

睇中的款式售罄了，點算？

部分售罄款式保留在網站作款式參考。你可以記低產品名或截圖，經 Instagram DM 或 WhatsApp 查詢以相近材料客製同款（香港客人）。

水晶紋理每件都一樣嗎？

產品皆為天然水晶及人手製作，每件的紋理與色澤均略有差異，屬天然特徵，亦是每件獨一無二的原因。

使用時有咩要注意？

水晶珠孔較細，產品以鋼絲線串製，請避免直接用手機鏈提拉手機，以免造成斷裂。日常避免長時間接觸水同香水，收納時放入附送的收納盒更耐用。